आज - २९ जेठ २०८२ बिहिवार को राशिफल
मेष
मेष (चु, चे, चो, ला, लि, लु, ले, लो, अ) सकारात्मक विचारमा रहदा लाभ रहनेछ। भाग्यले विभिन्न अवसर जुराउनेछ। आसमर्दो कार्य बन्नाले मनमा स्फूर्ति जाग्नेछ। शिक्षाको क्षेत्रमा प्रगति हुनेछ। आजको शुभ रंग पहेलो हो भने शुभ अंक २ रहेको छ।
मिथुन
मिथुन (का, कि, कु, घ, ङ, छ, के, को, हा) समय आफ्नो अनुकुल हुदा मन प्रसन्न रहनेछ। दाम्पत्य जीवनमा जीवनसाथीको सहयोग मिल्नेछ। व्यापार व्यवसायबाट लाभ आर्जन गर्न सकिएला। आजको शुभ रंग केशरी हो भने शुभ अंक ४ रहेको छ।
सिंह
सिंह (मा, मि, मु, मे, मो, टा, टि, टु, टे) सामाजिक तथा सेवामूलक कार्यमा मन लाग्नेछ। व्यापार व्यवसायमा शुभचिन्तकको सुझाव र सन्तानको सहयोग लाभदायी रहनेछ। अध्ययनमा राम्रो उपलब्धि प्राप्त हुनेछ। आजको शुभ रंग रातो हो भने शुभ अंक ५ रहेको छ।
तुला
तुला (रा, रि, रु, रे, रो, ता, ति, तु, ते) आयआर्जनका नयाँ स्रोतहरू फेला पर्नेछन्। आत्मविश्वासले अप्ठ्यारो चुनौतीहरू पनि सरल हुदै जानेछ। रोकिएको काममा इष्टमित्रहरूको सहयोग मिल्नेछ। आजको शुभ रंग सेतो हो भने शुभ अंक ७ रहेको छ।
धनु
धनु (ये, यो, भा, भि, भु, धा, फा, ढा, भे) प्रतिष्ठित कार्य गर्ने अवसर मिल्नेछ। व्यापार व्यवसायलाई लिएर नयाँ योजनाहरू बनाउने समय रहेको छ। पहिलाका कमी कमजोरीलाई सुधार्ने समय रहेको छ। आजको शुभ रंग बैजनी हो भने शुभ अंक २ रहेको छ।
कुम्भ
कुम्भ (गु, गे, गो, सा, सि, सु, से, सो, दा) कार्यक्षेत्रमा आफ्नो कर्तव्य निभाउनुमा आलस्य नगर्नुहोला। लगनशीलताले कार्यक्षेत्रमा सफलता दिलाउनेछ। नोकरी वा पेशामा अधिकारीहरुबाट सहयोग पाइएला। कानुन विपरीत कार्य नगर्नुहोला। आजको शुभ रंग निलो हो भने शुभ अंक ४ रहेको छ।
बृष
वृष (इ, उ, ए, ओ, वा, वि, वु, वे, वो) पारिवारिक समस्यालाई लिएर मनमा झर्को लाग्न सक्ला। स्वास्थ्यलाई लिएर आहारविहारमा सजकता अपनाउनुहोस्। नोकरी वा पेशामा धैर्यता संगै सोच विचार गरेर निर्णय लिनुहोला। आजको शुभ रंग सेतो हो भने शुभ अंक २ रहेको छ।
कर्कट
कर्कट (हि, हु, हे, हो, डा, डि, डु, डे, डो) कार्यक्षेत्रमा विवादास्पद कार्यको जिम्मेदारी वहन गर्नुपर्ला। नयाँ अवसर मिलेता पनि चुनौतीहरूसँग जुध्नुपर्ने समय रहेको छ। सवारी साधन चलाउँदा सावधान रहनुहोला। आजको शुभ रंग निलो हो भने शुभ अंक ६ रहेको छ।
कन्या
कन्या (टो, पा, पि, पु, ष, ण, ठ, पे, पो) प्रतिक्षा गरिएको नतिजा सबल रहनेछ। आफन्तहरूको साथ र सहयोग मिल्नेछ। सरकारी र प्रशासनिक कार्यहरूमा बाधा आउनेछ। माताको स्वास्थ्यलाई लिएर चिन्ता रहनेछ। आजको शुभ रंग निलो हो भने शुभ अंक ३ रहेको छ।
बृश्चिक
वृश्चिक (तो, ना, नि, नु, ने, नो, या, यि, यु) बिछोडिएका आफन्तहरूसँग रमाइलो भेटघाट रहनेछ। नोकरी वा पेशामा मेहनतले आफ्नो सम्मान स्थान प्राप्त गर्न सक्नुहुनेछ। उद्योग व्यापारमा फाइदा हुनेछ। आजको शुभ रंग गुलाबी हो भने शुभ अंक ४ रहेको छ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) कार्यको सन्दर्भमा विशिष्ट व्यक्तिहरूसँग मित्रता बढ्नेछ। विद्यार्थी वर्गहरूलाई पठनपाठनमा मन लाग्नेछ। अवसरवादीहरूबाट सावधान रहनुहोला। शेयर बाजारमा मनग्य लाभ आर्जन गर्न सकिनेछ। आजको शुभ रंग हरियो हो भने शुभ अंक ८ रहेको छ।
मीन
मीन (दि, दु, थ, झ, ञ, दे, दो, चा, चि) महत्वकांक्षी योजनाहरू पूरा गर्ने समय रहेको छ। नयाँ कार्य थाल्नुभन्दा अघि उपयुक्त समयको चयन गर्नुहोला। विद्यार्थीहरूको निरन्तर प्रयास नै सफलताको कुञ्जी हो। आजको शुभ रंग हरियो हो भने शुभ अंक ७ रहेको छ।
सप्तकोशी न्युज संवाददाता
काठमाडौं । आजको सेयर बजारमा २७.९ अंक बढ्यो सेयर बजार, हाइड्रोपावरमा उच्च वृद्धि भएको छ । अघिल्ला ६ कारोबार दिनसम्म घटेको सेयर बजार बुधबार भने २७.९ अंक बढेको छ । सो अंकको वृद्धिपछि नेप्से २०५८ विन्दुमा कायम भएको छ । कारोबार रकम भने अघिल्लो दिनकै बराबर ४ अर्ब ४ करोड रुपैयाँको भएको छ ।
सबै समूहका सूचक बढेका छन् । हाइड्रोपावर समूह सबैभन्दा धेरै ३ प्रतिशत बढ्यो । अंकका आधारमा बैंकिङ ४, विकास बैंक ४३, फाइनान्स ३०, होटल तथा पर्यटन १४७, हाइड्रोपावर ७१, जीवन बीमा ८१, उत्पादन १२३, माइक्रोफाइनान्स २०, निर्जीवन बीमा २२१, अन्य २३ र ब्यापार समूह ५ अंक बढे ।
९ कम्पनीको मूल्य १० प्रतिशत बढ्यो । दिव्यश्वरी हाइड्रोपावर, एनआरएन इन्फ्रास्ट्रक्चर, पिपुल्स हाइड्रोपावर, भगवती हाइड्रोपावर, सोनापुर सिमेन्ट, मुक्तिनाथ कृषि कम्पनी, नेपाल वेयरहाउजिङ कम्पनी र पन्चकन्या माइ हाइड्रोको मूल्य १० प्रतिशत बढ्यो । त्यस्तै सिद्धार्थ प्रिमियर इन्स्योरेन्सको ९.६, भूगोल इनर्जीको ९.३, माउन्टेन इनर्जीको ८.८, सगरमाथा जलविद्युतका् ८.७, नेपाल रिपब्लिक मिडियाको ८.२ प्रतिशत मूल्य बढ्यो ।
लक्ष्मी लघुवित्तको मूल्य सबैभन्दा धेरै ५ प्रतिशत घट्यो । मनकामना स्मार्ट लघुवित्तको ३.८, समता घरेलु लघुवित्तको २.८ प्रतिशत मूल्य घट्यो । कारोबार रकमका आधारमा सोनापुर सिमेन्ट, शिवम् सिमेन्ट, आईएमई लाइफ इन्स्योरेन्स, एनआरएन इन्फ्रास्ट्रक्चर र हाथवे इन्भेस्टमेन्ट कम्पनी क्रमशः अगाडि रहे ।
सप्तकोशी न्युज : कालाबन्जार स्थित न्यु बराह गार्मेन्ट र प्रिटिंङ्को समन्वयमा सञ्चालित उक्त तालिममा ३० जना महिलाहरूले सहभागिता भएको र उक्त तालिममा सहभागी महिला दिदि बहिनि हरु लाई समान तथा प्रमाणपत्र समेत वितरण गरेका थिए ।
साथै उक्त कार्यक्रमको सभा अध्यक्ष वडा नम्बर ५ का अध्यक्ष रोहित काफ्लेको अध्यक्षता कार्यक्रम संचालन भएको थियो । कार्यक्रमका प्रमुख अतिथि बराहक्षेत्र नगरपालिकाका नगर प्रमुख रमेश कार्की , विशिष्ट अतिथि उप–मेयर नन्दकुमारी सुनुवार रहनुभएको थियो।
साथै कार्यक्रममा ५ नम्बर वडाका जनप्रतिनिधिहरु , भरौल प्रहरी चौकीका प्रमुख डम्बरबहादुर गौतम लगायत उपस्थिति रहेको थियो।स्थानीय महिलाहरूको आर्थिक स्वावलम्बन र सीप अभिवृद्धिमा योगदान पुग्ने उद्देश्यले सञ्चालन गरिएको यस तालिमप्रति सहभागीहरूले समेत सन्तोषजनक प्रतिक्रिया दिएका छन्।कार्यक्रममा गार्मेन्ट सञ्चालक अशोक चौधरीले तालिमप्रति उत्साहजनक प्रतिक्रिया दिँदै, “उत्कृष्ट प्रदर्शन गर्ने १० जनालाई आफ्नै गार्मेन्टमा रोजगारीको अवसर दिइने” जानकारी गार्मेन्टका सञ्चालक अशोक चौधरीले दिए।
मेष
मेष (चु, चे, चो, ला, लि, लु, ले, लो, अ) न्यायिक निर्णयहरू तपाईँकै पक्षमा निर्णय हुनसक्छ । मित्रबाट विशेष सहयोग मिल्नेछ, शेयर बजारमा भने नोक्सानी होला ।
मिथुन
मिथुन (का, कि, कु, घ, ङ, छ, के, को, हा) प्रविधि मार्फत आफन्त सँग भेटघाट हुनेछ । अधुरा काम पुन: सुरु हुनसक्छ । उपहार पाइने सम्भावना पनि छ ।
सिंह
सिंह (मा, मि, मु, मे, मो, टा, टि, टु, टे) वित्तिय संस्थाबाट सहयोग पाइनेछ । प्रेम जीवनमा मधुरता छाउनेछ । लाभदायक तथा कर्तव्य पूर्ण यात्रा पनि हुनेछ ।
तुला
तुला (रा, रि, रु, रे, रो, ता, ति, तु, ते) आज साहित्यिक क्षेत्रमा रुचि बढ्नेछ । चिन्ता छाडेर चिन्तन गर्ने समय छ । प्रेम प्रसङ्गमा नजिक हुन सकिनेछ ।
धनु
धनु (ये, यो, भा, भि, भु, धा, फा, ढा, भे) आज दाम्पत्य जीवन सुखमय हुनेछ । स्वादिष्ट भोजन र परिकारको अवसर मिल्नेछ । शुभकार्यको चर्चा पनि चल्नेछ ।
कुम्भ
कुम्भ (गु, गे, गो, सा, सि, सु, से, सो, दा) कुनै न कुनै कुराले मनमा प्रसन्नता छाउनेछ । नयाँ कार्यको योजना बन्नेछ । अरूलाई सहयोग पनि गर्न सकिनेछ ।
बृष
वृष (इ, उ, ए, ओ, वा, वि, वु, वे, वो) मनमा हर्ष, उमङ्ग र उत्साह रहला । अरुको मन पनि जित्न सकिनेछ, तर पढाइमा बढी मेहनत गर्दा मात्र सफल भइनेछ ।
कर्कट
कर्कट (हि, हु, हे, हो, डा, डि, डु, डे, डो) सामान हराउने योग छ । नयाँ ठाउँमा लगानी गर्नु पनि उचित छैन, तर कृषि व्यवसायबाट राम्रै आम्दानी गर्न सकिनेछ ।
कन्या
कन्या (टो, पा, पि, पु, ष, ण, ठ, पे, पो) आज व्यवसायमा सफलता मिल्नेछ । श्रमको उचित मूल्याङ्कन हुनेछ, तर शेयर बजारको लगानी नोक्सानी रहला ।
बृश्चिक
वृश्चिक (तो, ना, नि, नु, ने, नो, या, यि, यु) आज सानातिना समस्यामा अल्झनुपर्नेछ । सरकारी निकायको भय रहला । स्वास्थ्य प्रति पनि सजग रहनु पर्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज साङ्गीतिक क्षेत्रमा रुचि बढ्नेछ । आफन्तले राम्रै सहयोग गर्नेछन् । नयाँ र शुभकार्यको चर्चा पनि चल्नेछ ।
मीन
मीन (दि, दु, थ, झ, ञ, दे, दो, चा, चि) आज स्वास्थ्य जाँचको लागि अस्पताल जानु पर्ला र धन खर्च होला, तर साँझ सम्ममा शुभ समाचार सुन्न पाइनेछ । राशिफल जे जस्तो भएपनि तपाईंको दिन मङ्गलमय रहोस् ।
बिशाल बस्नेत
महोत्तरी | मंसिर । महोत्तरीको औरहीबाट बेपत्ता भनिएका ५ जना किशोरी प्रहरीको सम्पर्कमा आएका छन् । गत दुई दिनदेखि सम्पर्कविहीन भएका उनीहरू ढल्केबरबाट सम्पर्कमा आएका हुन् ।
घरपरिवारबाट यातना दिएको हुनाले घर छाडेर हिँडेको उनीहरुले बताएका छन् । सम्पर्कमा आए पनि उनीहरुले घर फर्कन भने अस्वीकार गरेको प्रहरीले जनाएको छ ।उनीहरु घर फर्कन चाहेका छैनन, हामी मेयरका घरमा जान्छौ भनेका छन्,´ किशोरीहरुलाई उद्धृत गर्दै गौशाला प्रहरी प्रमुख मनोज यादवले भने ।
घरबाट किन यातना दिएको थियो भन्ने अझै खुल्न सकेको छैन । प्रहरीले यस विषयमा पनि थप अनुसन्धान गरिरहेको प्रमुख यादवले जानकारी दिए । आफूहरुलाई घर नफर्काउन अडान लिएका किशोरीहरुलाई प्रहरीले नगरको जिम्मा लगाउने तयारी गरेको छ ।
सप्तकोशी न्युज संवाददाता
नेपालगञ्ज बाँके । नेपालगञ्जस्थित बागेश्वरी मन्दिर परिसरमा गतवर्ष चैतमा बोलपत्र आह्वान रहेको जुङ्गे महादेव मन्दिर पुनःनिर्माणमा ढिलाइ भएको छ । एक वर्षभित्र निर्माण सम्पन्न हुनेगरी नेपालगञ्ज उपमहानगरपालिकाले मन्दिर पुनः निर्माणका लागि गतवर्ष चैतमा बोलपत्र आह्वान गरेको थियो । बोलपत्रलगत्तै काम सुरु भए पनि पुनःनिर्माणले गतिलिन सकेको छैन ।
सुरुवाती चरणमा पानी सुकाएर तालमा घाट निर्माण भए पनि निर्माण अघि बढ्न सकेन। जुंगे महादेवको मन्दिर बागेश्वरी तलाउको बीच भागमा रहेको छ । मन्दिर पुनःनिर्माणका लागि तालको पानी सुकाइएको हो। मन्दिर र मूर्ति यथावत् राखेर प्रवेश मार्ग र पूजा गर्ने क्षेत्र फराकिलो बनाउन लागिएको जनाइएको छ ।
नेपालगञ्ज उपमहानगरपालिकाका प्रमुख प्रशान्त विष्टले जुङ्गे महादेव मन्दिर पुनःनिर्माणका लागि दुई करोड बजेट विनियोजन गरी निर्माण कम्पनीसँग ठेक्का सम्झौता भएको बताए ।
तलाउको बीचमा रहेको मन्दिरसम्म पुग्न वर्षौँ पहिले बनाइएको प्रवेशमार्ग जीर्ण भएपछि उपमहानगरपालिकाले नयाँ निर्माण गर्न लागेको हो । “एक वर्षभित्र निर्माण सम्पन्न हुनेगरी ठेक्का सम्झौता भएको हो, घाटको काम करिब भइसकेको छ”, नगरप्रमुख विष्टले भने,“नयाँ संरचना निर्माण भएपछि मन्दिरभित्रका घाट क्षेत्र फराकिलो हुनेछ ।”
गतवर्ष निर्माणका लागि पानी सुकाउने क्रममा निर्माण सामग्री फस्ने लगायतका कारणले निर्माणमा ढिलाइ भएको उपमहानगरपालिकाका इञ्जीनीयर सुरज शर्माले बताए । प्राविधिक कारणले विगतमा ढिलाइ भए पनि अहिले निर्माण कम्पनीले काम सुरु गरेको उनको भनाइ छ ।
प्रसिद्ध बागेश्वरी मन्दिर परिसरभित्र तालको बीचभागमा रहेको जुङ्गे महादेवको मूर्ति भक्तजनको रोजाइमा पर्ने गरेको छ । जीर्ण र साँघुरो प्रवेश मार्ग रहेका कारण शिवरात्रि लगायत विभिन्न चाडपर्वका समयमा भक्तजनको धेरै भीड हुने समयमा दुर्घटनाको जोखिम रहेको थियो ।
पुनः निर्माणमा ढिलाइ हुँदा बागेश्वरी मन्दिर क्षेत्रमा आउने धार्मिक पर्यटकलाई असुविधा भएको भन्दै नेपालगञ्जका नागरिक अगुवा कृष्णप्रसाद श्रेष्ठले समयसीमाभित्रै निर्माण सम्पन्न गराउन सम्वद्ध निकायले ध्यान दिनुपर्ने बताए ।
सप्तकोशी न्युज,सुनसरी । बराहक्षेत्र नगरपालिकाले आगामी आर्थिक वर्ष २०८२र८३ का लागि एक अर्ब ६ लाख ९५ हजार ३ सय ७९ रुपैयाँ बराबरको बजेट सार्वजनिक गरेको छ।
आज सम्पन्न नगरपालिकाको १६औं नगरसभामा उपप्रमुख नन्दकुमारी सुनुवारले नीति, कार्यक्रम तथा बजेट प्रस्तुत गर्दै सीमान्तकृत समुदाय र महिलाको आर्थिक उत्थानलाई विशेष प्राथमिकता दिइएको जानकारी दिइन्।
उनका अनुसार संघीय, प्रदेश र आन्तरिक स्रोतबाट प्राप्त हुने रकम समेटिएको बजेट सन्तुलित विकास, आयआर्जन तथा सामाजिक उत्थानमुखी कार्यक्रमहरूमा खर्च गरिनेछ।
बजेटको मुख्य स्रोत र अनुमान
नगरपालिकाले आन्तरिक आयबाट ७ करोड ३६ लाख ५१ हजार रुपैयाँ उठाउने अनुमान गरेको छ।
संघीय सशर्त अनुदानबाट ४७ करोड १ लाख, समपूरक अनुदानबाट ३ करोड ४१ लाख, विशेष अनुदानबाट ७५ लाख, वित्तीय समानीकरण अनुदानबाट १९ करोड ३४ लाख, संघीय राजस्व बाँडफाँडबाट १५ करोड ९४ लाख ५७ हजार ३ सय ७९ रुपैयाँ प्राप्त हुने छ।
प्रदेश सरकारतर्फबाट प्रदेश सशर्त अनुदान अन्तर्गत २ करोड ३० लाख ५६ हजार, समपूरक अनुदानबाट १ करोड, वित्तीय समानीकरण अनुदानबाट १ करोड ८२ लाख ५० हजार र प्रदेश राजस्व बाँडफाँडबाट १ करोड ११ लाख ८१ हजार रुपैयाँ प्राप्त हुने अनुमान छ।
खर्च विनियोजन
आगामी वर्षका लागि नगरपालिकाले चालु खर्चतर्फ १५ करोड ८८ लाख रुपैयाँ विनियोजन गरेको छ। वडा कार्यालयहरूका लागि ८ करोड ८० लाख र पुँजीगत बजेटतर्फ २० करोड ९१ लाख ३९ हजार ३ सय ७९ रुपैयाँ विनियोजन गरिएको छ।त्यस्तै, संघीय सशर्त अनुदानबाट ४७ करोड १ लाख, प्रदेश सशर्त अनुदानबाट २ करोड ३० लाख ५६ हजार, संघीय समपूरक अनुदानबाट ३ करोड ४१ लाख, प्रदेश समपूरक अनुदानबाट १ करोड र संघीय विशेष अनुदानबाट ७५ लाख रुपैयाँ विनियोजन गरिनेछ।उपप्रमुख सुनुवारका अनुसार सीमान्तकृत र पछाडि पारिएका समुदायहरू, विशेष गरी महिलाहरूका लागि आयआर्जन र सशक्तीकरणका कार्यक्रमहरू सञ्चालन गरिनेछ।
