सप्तकोशी न्युज संवाददाता
उदयपुर सुनसरी । सप्तकोशी नदीमा आएको बाढीका कारण उदयपुर र सुनसरी बीचमा पर्ने श्रीलंका टापुमा कटान सुरु भएका छ ।
सुनसरीको बराहक्षेत्र नगरपालिका–६ को शिवाइ टोल क्षेत्र र उदयपुरको बेलका नगरपालिका–८ को पश्चिमी भागमा पर्ने श्रीलंका टापुमा कटान सुरु भएको छ । बेलका ८ मा अघिल्लो वर्ष कटानमा परेको लाहुरे खोँचभन्दा केहीमाथि पश्चिमतर्फ पनि तीव्र रूपमा कटान भइरहेको बेलका नगरपालिकाले जनाएका छ । पूर्वी पहाडी जिल्लामा केही दिनदेखि परेको अविरल वर्षा पछि कोशी नदीमा अत्यधिक पानीको बहाव बढेको छ ।
कटानका कारण बेलका नगरपालिकाका तीन वटा वडाका बस्ती जोखिममा पर्ने देखिएको छ । वडा नम्बर ८ र ९ अन्र्तगत पर्ने सिमलटार र धौरीका साथै वडा नम्बर ३ को दुर्गा बन्दी, मिलन चोक, एबीसी टप्पुलगायतका गाउँ प्रभावित हुने बेलका नगरपालिकाकाले जनाएको छ ।
TAGS
लोकप्रिय पछिल्लो समाचार
टिप्पणी