Saptakoshinews

Admin

समाचार

16 December, 2025

इटहरी । इटहरीस्थित इम्पेरियल कलेजमा हाल हस्पिटालिटी सप्ताह विभिन्न शैक्षिक तथा सहशैक्षिक कार्यक्रममार्फत उत्साहपूर्वक सम्पन्न

कलेजका प्रिन्सिपल राजु शर्माका अनुसार यस वर्षको कार्यक्रम ‘हस्पिटालिटी क्विज’ शीर्षकमा आयोजना गरिएको छ, जसको उद्देश्य विद्यार्थीलाई खेल–प्रतियोगितामार्फत सीप तथा व्यवहारिक ज्ञान अभिवृद्धि गर्नु रहेको छ।

प्रिन्सिपल शर्माले बताएअनुसार, हस्पिटालिटी विषयको प्रकृतिलाई ध्यानमा राख्दै विद्यार्थीले खेलेर सिक्ने संस्कृतिको विकास गर्न कलेज निरन्तर प्रयासरत छ।

“आजको सत्रमा हामीले हस्पिटालिटीसम्बन्धी प्रश्न–उत्तर तथा ज्ञान परीक्षणका गतिविधि गराएका छौँ, जसले विद्यार्थीमा प्रतिस्पर्धात्मक भावना र विषयगत प्राविधिक ज्ञान दुवैको विकास हुने विश्वास छ,” उनले भने।

शैक्षिक क्यालेन्डरअनुसार प्रत्येक वर्ष कलेजले परम्परागत नेपाली खेलदेखि अन्तर्राष्ट्रिय प्रतिष्ठित खेल र हस्पिटालिटीसँग प्रत्यक्ष सम्बन्धित गतिविधिहरू सञ्चालन गर्ने परम्परा रहेको छ। यही श्रृंखलामा आज हस्पिटालिटी स्पोर्ट लिग अन्तर्गत क्विज कन्टेन्ट कार्यक्रम सम्पन्न गरिएको प्रिन्सिपल शर्माले जानकारी दिए।

समूहगत रूपमा विभिन्न होटलहरूको नामाकरण गरी गराइएको व्यावहारिक प्रशिक्षण तथा प्रतियोगितामा जेन्जी आन्दोलन, सामाजिक सञ्जालको सदुपयोग–दुरुपयोग, र यसको सामाजिक प्रभावसम्बन्धी बहस प्रतियोगितासमेत आयोजना गरिएको थियो। विद्यार्थीले प्रस्तुत गरेका तर्क–वितर्क एवं सिर्जनशील प्रस्तुतीकरणले कार्यक्रमलाई अझ प्रभावकारी बनाएको आयोजकको भनाइ छ।