इटहरी । अस्ति गाउँको हरी गयो बिदेश, हिजो राम गयो , आज माईला बाको छोरो गयो , भोलि सीता जाँदै छिन रे , पल्ला घरको भाईको नि भिसा लाग्यो रे । मामाको छोराले नि १२ सक्यो रे उस्ले नि आएल्स गर्दै छ रे । गोपलको त एउटा महेन्द्रपुलमा कपडा पसल थियो त्यो पनि बेचेर जापान गयो रे ।
अलि अलि नेपालमा भएकाहरु नि नेपालमा केही छैन जाने त बिदेश नै हो यार भन्ने अवस्थामा आई सकेका छ्न !
यसरि नै आज भन्दा भोलि , भोलि भन्दा पर्सि रित्तिदै छ्न गाउँ , सहर , बस्ती, कलेज........
गाउँ घर तिर बिदेशको कुरा वाहेक अरु कुरै हुन छाडी सकेको छ ।
कहिलेकाही बजारबाट गाउँ घर तिर गयो चारै तिर सुनसान छ । आफू सँग बाल्यकालमा खेल्ने साथी सबै विभिन्न सिलसिलामा विदेश पुगी सकेका छन। हिजोका साथी , दाई , भाइ , दिदी बहिनी कोहि पनि गाउँमा छैनन् ।
गाउँमा भएका त्यही बुढा बा, आमा , हजुर बा , हजुर आमा , वाहेक अरु भेट्नै मुस्किल पर्छ अचेल । हिजो गाईभैंसी पालेर बसेका हर्के दाई पनि फेरि कतार तिर गएछ्न । गाउँघर तिर दाइ , भाईहरु डाक्टर , ईन्जिनियर पढेका थिए सबै बिदेश तिर गएछ्न ।
सरकार अर्को कुरा त के छ भने विवाह गरम भने केटी पाउन मुस्किल पर्यो । यस्ता नेपालमा बस्ने केटासँग पनि विवाह गर्छ र? बरु अष्ट्रेलिया गएका केटासँग लभ गरेर भएपनि बिदेश जसरी नि जानी हो भन्ने जमात बढ्दो छ।बिचरा ती हरिकृष्ण दाइ बल्ल तल्ल ४ बर्ष लगाएर लोक सेवामा दिन रात नभनि नाम निकाले तर ३ बर्ष भयो केटी खोज्न हिंडेका आज सम्म बिवाह हुन सकेकाे छैन ।
सरकार म त झन बेरोजगार , केही गरेको छैन , केहि छैन । स्नातक बल्ल तल्ल सके, बाटो तिर निस्कियो, तँ पनि जा यसरी हलिएर नहिड भन्ने मानिसको कमी छोइन यहाँ।
हेर त फलानोको छोराले कति प्रगति गरि सके! तँ भने नेपालमा के छ र बसेकाे छस् , गैइहाल नबस भन्छन् । हुन पनि हो , मेरो ब्याचका साथिहरुले सबैले घर घडेरि किनेर विवाह गरेर सेटल भएर बसि सकेका छन्।
उता सरकार भने कुनै भाउजूलाई छोए आगो लागाईदिन्छु भन्छ । को सग गठबनधन गरेर सरकार टिक्छ भन्नेमा नै पिर छ ।
अब पनि नसोच्ने हो भने सरकार , कि मलाई बुढो मान्छे बनाई दे , हैन भने तिमिलाई कर तिर्ने रेमिट्यान्स बाहेक केही हुँदैन ।
सरकारको निर्णयप्रति चलाउनेविरुद्ध मुद्दा खेपिरहेकाहरूको मुद्दा फिर्ता लिने सन्तोष परियारको आपत्ति
लोकप्रिय पछिल्लो समाचार
टिप्पणी