Saptakoshinews

Admin

समाचार

01 July, 2025

201

सप्तकोशी न्युज संवाददाता

झुम्का । सुनसरीको झुम्कामा बुधबार तेस्रो राष्ट्रिय थारु चलचित्र महोत्सव तथा दुई दिने सम्मान कार्यक्रम सम्पन्न भएको छ । दुई दिनसम्म चल्ने महोत्सवको संघीय मामिला तथा सामान्य प्रशासन मन्त्री अमनलाल मोदीले उद्घाटन गरे । मातृभाषाको कला, संस्कृति एवं चलचित्रलाई संरक्षण गरौं थारु जातिको पहिचान र अधिकार स्थापित गरौ भन्ने ध्येका साथ लगाइएको उक्त महोत्सवको सभापतित्व केन्द्रीय अध्यक्ष तथा परशुराम चौधरीले गरेका थिए । नेपाल भर बनेका उत्कृष्ट थारु चलचित्रको संक्षिप्त विवरणसहितको ऐतिहासिकतासँगै बृत्तचित्र समेत सो महोत्सवका क्रममा प्रस्तुत गरिएको थियो ।

खासगरी २०४६ सालको राजनीतिक परिवर्तनपछि आँखा खोलेका थारु समुदायका कलाकाहरुले थारु भाषामा चलचित्रको माध्यमबाट थारु समुदायलाई ब्युझाउन सकिन्छ भन्ने चेत खुलेको उक्त चलचित्र र बृत्तचित्रको माध्यमबाट देखाइएको छ । हालसम्म ११५ चलचित्र थारु भाषामा निर्माण भईसकेको र उक्त चलचित्र थारुमै मात्र सीमित नबनाई अब नेपाली भाषामा समेत निर्माण गरेर पुरै समुदायमा पुयाउन पर्ने आवश्यकता रहेको थारु चलचित्रका महानायक पर्शुराम चौधरीले बताए ।

पूर्व मेचीदेखि पश्चिम महाकालीसम्मका थारु समूदायका कलाकारले निर्माण गरेका फिल्म एउटै थलोमा देखाउन र बजार प्रवर्द्धन गर्न महोत्सव गरिएको हो अध्यक्ष तथा कार्यक्रमका सभापति चौधरीले बताए ।उनले चलचित्रबाटै थारु समुदायलाई झक्झक्याउन सकिने भन्दै सम्पन्न थारुहरु टाढाबाठाको चंगुलमा फसेर बिग्रीएको पनि चौधरीले औंल्याए । महोत्सवले थारु समूदायको मौलिक भाषा, संस्कृति र पहिचानलाई स्थापित गर्न केही हदसम्म सहयोग पुग्ने चौधरीको कथन थियो । कार्यक्रममा उपस्थित महिला तथा पुरुषहरुले समूदायको वेशभूषा, भाषा र संस्कृति झल्काउने बस्त्र लगाएका थिए ।

थारु समुदायको बसोबास रहेका प्रायः सबै जिल्लाबाट आएका चलचित्रकर्मीसहित थारुसँग सम्बन्धित विभिन्न तह र तप्काका पदाधिकारीहरुको बाक्लो उपस्थिति रहेको थियो । स्थानीय सरकार प्रमुख, उपप्रमुखसहितको विशेष आतिथ्यतामा आयोजित सो कार्यक्रम एलएन गच्छदारले सञ्चालन गरेका थिए । उद्घाटन कार्यक्रममा थारु समूदायको मौलिक पहिचान झल्कने नृत्य समेत प्रदर्शन गरिएको थियो ।

थारु चलचित्र तथा सास्कृतिक संघ केन्द्रिय कार्यलय काठमाडौंको आयोजना तथा चलचित्र विकास बोर्डको सहआयोजनमा आयोजना गरिएको थियो । यो सँगै इटहरीमा २ वटा थारु चलचित्र महोत्सव भईसकेको र एउटा दोस्रो चलचित्र महोत्सव काठमाडौंमा आयोजना गरिएको थियो । ११५ चलचित्रसँगै ८० भन्दा बढि छोटो फिल्म निर्माण भएको आयोजकले जनाएको छ । बिहीबार पनि सम्मानसहितको कार्यक्रम आयोजना हुने आयोजकले जनाएको छ ।