वराहक्षेत्र नगरपालिका वडा नं,१ चतरा बसपार्कमा अवैध हरिणको सिङ र लागूऔषध सहित चार जना पक्राउ

सप्तकोशी न्युज डेक्स 

सुनसरी । वराहक्षेत्र नगरपालिका वडा नं,१ चतरामा अवैध हरिणको सिङ र लागूऔषध सहित चार जनालाई पक्राउ गरेको छ ।

आइतबार साँझ करिब ७:४० बजेको समयमा इलाका प्रहरी कार्यालय महेन्द्रनगरका प्रमुख प्रहरी निरीक्षक रामप्रसाद तिमल्सिनाको कमान्डमा खटिएको प्रहरी टोलीले चतरा बसपार्क स्थित सञ्जय लिम्बुको घरमा खानतलासी गर्दा घरको कोठामा लुकाई छिपाई राखेको अवस्थामा ठुलो र सानो आकारको हरिणको सिङ ५ थान र ठुलो मात्रामा लागूऔषध फेला पारेको थियो ।

हरिणको सिङ र लागूऔषध घरमा लुकाई छिपाई राखिएको थियो । सुराकीको आधारमा खटिएको प्रहरीले ठुलो परिमाणमा लागूऔषध, काठको डमी बन्दुक १ थान, दाँत भएको फलामको फार्सा १ थान, मोबाइल ४ थान सहित सोही घरमा लुकी बसेका वडा नं.१ का २२ वर्षका विकास राई, २८ वर्षका विवश शेर्पा, २९ वर्षका सुमन तामाङ सहित घरधनी ३४ वर्षका सञ्जय लिम्बु सहित ४ जना युवाहरूलाई पक्राउ गरेको इलाका प्रहरी कार्यालय महेन्द्रनगरले जनाएको छ।

बरामद गरिएको हरिणको सिङ बराह सवडिभिजन वन कार्यालय चतरामा कारबाही लागि जिम्मा लगाइएको र नियन्त्रित लागूऔषध औषधी व्यवस्था विभाग विराटनगरमा थप अनुसन्धानको लागि पठाइएको इलाका प्रहरी कार्यालय महेन्द्रनगरका प्रमुख प्रहरी निरीक्षक राम प्रसाद तिमल्सिनाले बताए ।


टिप्पणी